| |
Afrikaanse Bybel |   | |
 |
| |
| | Psa 19:1 | Vir die musiekleier. 'n Psalm van Dawid.
| |
| | Psa 19:2 | Die hemele vertel die eer van God, en die uitspansel verkondig die werk van sy hande.
| |
| | Psa 19:3 | Die een dag stort vir die ander 'n boodskap uit, en die een nag kondig vir die ander kennis aan:
| |
| | Psa 19:4 | daar is geen spraak en daar is geen woorde nie- onhoorbaar is hulle stem.
| |
| | Psa 19:5 | Hulle meetsnoer gaan uit oor die hele aarde, en hulle woorde tot by die einde van die wêreld. Vir die son het Hy daarin 'n tent gemaak;
| |
| | Psa 19:6 | en dié is soos 'n bruidegom wat uitgaan uit sy slaapkamer; hy is bly soos 'n held om die pad te loop.
| |
| | Psa 19:7 | Sy uitgang is van die einde van die hemel af, en sy omloop tot by die eindes daarvan, en niks is verborge vir sy hitte nie.
| |
| | Psa 19:8 | Die wet van die HERE is volmaak: dit verkwik die siel; die getuienis van die HERE is gewis: dit gee wysheid aan die eenvoudige.
| |
| | Psa 19:9 | Die bevele van die HERE is reg: hulle verbly die hart; die gebod van die HERE is suiwer: dit verlig die oë.
| |
| | Psa 19:10 | Die vrees van die HERE is rein: dit bestaan tot in ewigheid; die verordeninge van die HERE is waarheid- tesame is hulle regverdig.
| |
| | Psa 19:11 | Hulle is begeerliker as goud, ja, as baie fyn goud; en soeter as heuning en heuningstroop.
| |
| | Psa 19:12 | Ook word u kneg daardeur gewaarsku; in die onderhouding daarvan is groot loon.
| |
| | Psa 19:13 | Die afdwalinge-wie bemerk hulle? Spreek my vry van die wat verborge is.
| |
| | Psa 19:14 | Hou u kneg ook terug van moedswillige sondes; laat dit nie oor my heers nie. Dan sal ek onbestraflik wees en vry van groot oortreding.
| |
| | Psa 19:15 | Laat die woorde van my mond en die oordenking van my hart welbehaaglik wees voor u aangesig, o HERE, my rots en my verlosser!
| |
