| |
Afrikaanse Bybel |   | |
 |
| |
| | Psa 17:1 | HERE, hoor 'n regverdige saak, let op my smeking; luister tog na my gebed met onbedrieglike lippe.
| |
| | Psa 17:2 | Laat my reg van u aangesig uitgaan; laat u oë regverdig sien.
| |
| | Psa 17:3 | U het my hart getoets, dit in die nag ondersoek, U het my gekeur, U vind niks nie; wat ek ook dink, my mond oortree nie.
| |
| | Psa 17:4 | Aangaande die handelinge van die mens, ék het deur die woord van u lippe die paaie van die geweldenaar vermy.
| |
| | Psa 17:5 | My gange het vasgehou aan u spore, my voetstappe het nie gewankel nie.
| |
| | Psa 17:6 | Ek roep U aan, want U verhoor my, o God! Neig u oor tot my, luister na my woord!
| |
| | Psa 17:7 | Maak u gunsbewyse wonderbaar, o verlosser van die wat by u regterhand skuil vir teëstanders!
| |
| | Psa 17:8 | Bewaar my soos 'n oogappel; verberg my in die skaduwee van u vleuels
| |
| | Psa 17:9 | teen die goddelose wat my geweld aandoen, my doodsvyande wat my omring.
| |
| | Psa 17:10 | Hulle het hul gevoel afgesluit; met hul mond spreek hulle hoogmoedig.
| |
| | Psa 17:11 | Nou het hulle ons in ons gang omsingel; hulle rig hul oë daarop om ons op die grond uit te strek.
| |
| | Psa 17:12 | Hy is soos 'n leeu wat begerig is om te verskeur, en soos 'n jong leeu wat in skuilplekke klaar lê.
| |
| | Psa 17:13 | Staan op, HERE, gaan hom tegemoet, werp hom neer; red my van die goddelose met u swaard;
| |
| | Psa 17:14 | met u hand van die manne, o HERE, van die manne wie se deel in die lewe uit die wêreld is en wie se buik U vul met u verborge skat; wie se seuns daarvan nog sat is, wat weer hul oorskot aan hulle kinders laat agterbly.
| |
| | Psa 17:15 | Maar ek sal u aangesig in geregtigheid aanskou; ek sal versadig word met u beeld as ek wakker word.
| |
