| |
Afrikaanse Bybel |   | |
 |
| |
| | Psa 16:1 | 'n Gedig van Dawid. Bewaar my, o God, want by U skuil ek.
| |
| | Psa 16:2 | Ek het tot die HERE gesê: U is my Here; vir my is daar geen goed bo U nie.
| |
| | Psa 16:3 | Maar aangaande die heiliges wat op die aarde is, sê ek: Hulle is die heerlikes in wie al my behae is.
| |
| | Psa 16:4 | Die smarte van hulle wat 'n ander god met gawes vereer, sal menigvuldig wees; ek sal hulle drankoffers van bloed nie uitgiet en hulle name op my lippe nie neem nie.
| |
| | Psa 16:5 | Die HERE is die deel van my erfenis en van my beker; U onderhou my lot.
| |
| | Psa 16:6 | Die meetsnoere het vir my in lieflike plekke geval, ja, my erfenis is vir my mooi.
| |
| | Psa 16:7 | Ek sal die HERE loof wat my raad gegee het; selfs in die nag vermaan my niere my.
| |
| | Psa 16:8 | Ek stel die HERE altyddeur voor my; omdat Hy aan my regterhand is, sal ek nie wankel nie.
| |
| | Psa 16:9 | Daarom is my hart bly en my eer juig; ook sal my vlees in veiligheid woon;
| |
| | Psa 16:10 | want U sal my siel aan die doderyk nie oorgee nie; U sal nie toelaat dat u gunsgenoot verderwing sien nie.
| |
| | Psa 16:11 | U sal my die pad van die lewe bekend maak; versadiging van vreugde is voor u aangesig, lieflikhede in u regterhand, vir ewig.
| |
