| |
Afrikaanse Bybel |   | |
 |
| |
| | Job 6:1 | Maar Job het geantwoord en gesê:
| |
| | Job 6:2 | Ag, was my verdriet maar goed geweeg en my ongeluk meteens in 'n skaal opgehef!
| |
| | Job 6:3 | Ja, dan sou dit swaarder wees as die sand van die see; daarom is my woorde onbedagsaam.
| |
| | Job 6:4 | Want die pyle van die Almagtige is in my, waarvan my gees die gif indrink; die verskrikkinge van God stel hulle teen my op.
| |
| | Job 6:5 | Balk die wilde-esel by die grasspruitjies? Of bulk 'n bees by sy voer?
| |
| | Job 6:6 | Word iets wat laf is, sonder sout geëet? Of is daar smaak in die wit van 'n eier?
| |
| | Job 6:7 | My siel weier om dit aan te raak; dit is net soos my walglike spys.
| |
| | Job 6:8 | Ag, mag my bede maar uitkom, en mag God my verwagting maar gee!
| |
| | Job 6:9 | En mag dit God behaag om my te verpletter, sy hand uit te strek en my af te sny!
| |
| | Job 6:10 | Dan sou ek nog troos hê; ja, ek sou van vreugde opspring in onbarmhartige smart; want die woorde van die Heilige het ek nie verloën nie.
| |
| | Job 6:11 | Wat is my krag, dat ek sou kan wag; en wat my uiteinde, dat ek geduldig sou wees?
| |
| | Job 6:12 | Is my krag 'n krag van klip of my vlees van koper?
| |
| | Job 6:13 | Is ek dan nie hulpeloos in myself nie, en is redding nie vir my weggedrywe nie?
| |
| | Job 6:14 | Vir die moedelose moet daar liefde wees van die kant van sy vriend, ook al laat hy die vrees vir die Almagtige vaar.
| |
| | Job 6:15 | My broers het troueloos gehandel soos 'n spruit, soos die bedding van spruite wat wegloop,
| |
| | Job 6:16 | wat troebel is vanweë die ys, waarin die sneeu hom verberg--
| |
| | Job 6:17 | in die tyd van gloeihitte verdwyn hulle; as dit warm word, droog hulle op uit hul plek.
| |
| | Job 6:18 | Die paaie van hulle loop kronkelend weg en gaan heen in die wildernis en vergaan.
| |
| | Job 6:19 | Die karavane van Tema het uitgekyk, die reisigers van Skeba het daarop gewag.
| |
| | Job 6:20 | Hulle het beskaamd gestaan in hul vertroue; hulle het daarby gekom en was teleurgesteld.
| |
| | Job 6:21 | So het julle dan vir my niks geword nie: julle sien verskrikking, en julle het gevrees.
| |
| | Job 6:22 | Het ek dan gesê: Gee my iets? Of: Bring vir my 'n omkoopgeskenk uit julle vermoë?
| |
| | Job 6:23 | Of: Red my uit die hand van die teëstander? Of: Verlos my uit die hand van tiranne?
| |
| | Job 6:24 | Onderrig my, en ék sal swyg; en maak my duidelik waarin ek my misgaan het.
| |
| | Job 6:25 | Hoe kragtig is opregte woorde, maar wat rig 'n bestraffing uit, van julle afkomstig?
| |
| | Job 6:26 | Dink julle om woorde te bestraf? Maar die woorde van 'n wanhopige is vir die wind!
| |
| | Job 6:27 | Ja, julle sou 'n wees uitloot en julle vriend verhandel.
| |
| | Job 6:28 | Maar nou, kyk my asseblief aan: ek sal julle waarlik nie in jul gesig belieg nie.
| |
| | Job 6:29 | Keer tog terug--laat daar geen onreg wees nie! Ja, keer terug--nóg is my geregtigheid daar.
| |
| | Job 6:30 | Is daar onreg op my tong? Of kan my verhemelte nie die onheile onderskei nie?
| |
