| |
Afrikaanse Bybel |   | |
 |
| |
| | Job 22:1 | Toe het Élifas, die Temaniet, geantwoord en gesê:
| |
| | Job 22:2 | Kan 'n man aan God 'n diens bewys? Nee, aan homself bewys die verstandige 'n diens.
| |
| | Job 22:3 | Het die Almagtige daar belang by dat jy regverdig is? Of is dit voordeel vir Hom dat jy onberispelik wandel?
| |
| | Job 22:4 | Is dit oor jou Godsvrees dat Hy jou bestraf, dat Hy met jou na die gereg gaan?
| |
| | Job 22:5 | Is jou boosheid nie groot en jou ongeregtighede nie sonder einde nie?
| |
| | Job 22:6 | Want jy het pand geneem van jou broers sonder noodsaak, en die klere van die naaktes het jy uitgetrek.
| |
| | Job 22:7 | Aan die vermoeide het jy geen water gegee om te drink nie, en aan die hongerige het jy die brood onthou.
| |
| | Job 22:8 | Maar aan die man van geweld--aan hom behoort die land; en die aansienlike--hy moet daarin woon!
| |
| | Job 22:9 | Weduwees het jy met leë hande weggestuur, en die arms van die wese is verbrysel.
| |
| | Job 22:10 | Daarom is daar vangnette rondom jou en maak die vrees jou skielik skrik.
| |
| | Job 22:11 | Of sien jy die duisternis nie en die oorvloed van waters wat jou bedek?
| |
| | Job 22:12 | Is God nie hemelhoog nie? En aanskou hoe hoog die hoogste sterre staan.
| |
| | Job 22:13 | Maar jy sê: Wat weet God? Kan Hy deur donkerheid heen strafgerig hou?
| |
| | Job 22:14 | Wolke is 'n bedekking vir Hom, sodat Hy nie sien nie; en oor die hemelgewelf wandel Hy.
| |
| | Job 22:15 | Wil jy die pad van die ou tyd hou, wat die kwaaddoeners bewandel het,
| |
| | Job 22:16 | wat gegryp is voor die tyd, wie se grondslag uitgegiet is soos 'n stroom,
| |
| | Job 22:17 | wat tot God gesê het: Bly ver van ons af! en: Wat kan die Almagtige ons aandoen?
| |
| | Job 22:18 | En tog het Hy hulle huise gevul met wat goed is. (Maar die gesindheid van die goddelose is ver van my!)
| |
| | Job 22:19 | Die regverdiges sien dit en is bly, en die onskuldige spot met hulle en sê:
| |
| | Job 22:20 | Waarlik, ons teëstander is verdelg; en wat hulle laat oorbly het, het die vuur verteer.
| |
| | Job 22:21 | Sluit tog vriendskap met Hom, sodat jy vrede kan hê; daardeur sal goeie dinge oor jou kom.
| |
| | Job 22:22 | Neem tog uit sy mond onderrig aan, en lê sy woorde weg in jou hart.
| |
| | Job 22:23 | As jy tot die Almagtige terugkeer, sal jy gebou word; as jy die onreg verwyder uit jou tent.
| |
| | Job 22:24 | En gooi die gouderts in die stof en tussen die rotse van die spruite die goud van Ofir.
| |
| | Job 22:25 | Dan sal die Almagtige jou gouderts wees en stawe silwer vir jou.
| |
| | Job 22:26 | Want dan sal jy in die Almagtige jou verlustig en jou aangesig tot God ophef.
| |
| | Job 22:27 | Jy sal tot Hom bid, en Hy sal jou verhoor; en jy sal jou geloftes betaal.
| |
| | Job 22:28 | Besluit jy iets, dan kom dit tot stand; en oor jou weë skyn 'n lig.
| |
| | Job 22:29 | As dié afdraand loop, dan sê jy: Boontoe! En hom wat neerslagtig is, verlos Hy.
| |
| | Job 22:30 | Hy red selfs hom wat nie onskuldig is nie: ja, hy word gered deur die reinheid van jou hande.
| |
