| |
Afrikaanse Bybel |   | |
 |
| |
| | Job 15:1 | Toe het Élifas, die Temaniet, geantwoord en gesê:
| |
| | Job 15:2 | Sal 'n wyse man met winderige wetenskap antwoord gee en sy buik vul met oostewind--
| |
| | Job 15:3 | deur te pleit met woorde wat nie baat en met beweringe waarmee hy niks uitrig nie?
| |
| | Job 15:4 | Ja, jy breek die Godsvrees af en verstoor die stille oordenking voor die aangesig van God.
| |
| | Job 15:5 | Want jou ongeregtigheid gee onderrig aan jou mond, en jy kies die taal van die listiges.
| |
| | Job 15:6 | Jou eie mond veroordeel jou, en nie ek nie; ja, jou eie lippe getuig teen jou.
| |
| | Job 15:7 | Is jy die eerste as mens gebore en voor die heuwels in die wêreld gebring?
| |
| | Job 15:8 | Het jy in die raad van God afgeluister en die wysheid na jou toe getrek?
| |
| | Job 15:9 | Wat weet jy wat ons nie weet nie? Wat verstaan jy wat in ons nie is nie?
| |
| | Job 15:10 | Ook is daar grys hare, ook bejaardes onder ons, ryker in dae as jou vader.
| |
| | Job 15:11 | Is die vertroostinge van God vir jou te min, en 'n woord met sagtheid jou toegespreek?
| |
| | Job 15:12 | Waarom sleep jou hart jou weg? En waarom flikker jou oë so--
| |
| | Job 15:13 | dat jy jou toorn rig teen God en sulke woorde uit jou mond laat uitgaan?
| |
| | Job 15:14 | Wat is die mens, dat hy rein sou wees? En hy wat uit 'n vrou gebore is, dat hy regverdig sou wees?
| |
| | Job 15:15 | Kyk, in sy heiliges stel Hy geen vertroue nie; ja, die hemele is nie rein in sy oë nie;
| |
| | Job 15:16 | hoeveel minder die afskuwelike en ontaarde, die mens wat onreg drink soos water!
| |
| | Job 15:17 | Ek wil jou inlig, luister na my; en wat ek gesien het, wil ek vertel;
| |
| | Job 15:18 | wat die wyse manne verkondig sonder om iets te verberg, van hulle vaders af oorgelewer;
| |
| | Job 15:19 | aan hulle alleen was die land gegee, en geen vreemdeling het nog onder hulle deurgetrek nie.
| |
| | Job 15:20 | Al sy dae leef die goddelose in angs, ja, al die jare deur wat vir die tiran bepaal is.
| |
| | Job 15:21 | Skrikgeluide is in sy ore; in volle vrede oorval die verwoester hom.
| |
| | Job 15:22 | Hy glo nie dat hy uit die duisternis sal terugkeer nie; en hy is bestemd vir die swaard.
| |
| | Job 15:23 | Hy dwaal rond en soek brood. Waar is dit? Hy weet dat gereed is, ophande, die dag van duisternis.
| |
| | Job 15:24 | Benoudheid en angs verskrik hom; dit oorweldig hom soos 'n koning wat gereed staan vir die aanval,
| |
| | Job 15:25 | omdat hy sy hand uitgesteek het teen God en die Almagtige getrotseer het
| |
| | Job 15:26 | (hy het Hom stormgeloop met uitgerekte nek, met die dik bulte van sy skilde);
| |
| | Job 15:27 | omdat hy sy gesig met sy vet oordek en 'n vetlaag op sy heupe gevorm het,
| |
| | Job 15:28 | en verdelgde stede bewoon het, huise wat nie bewoon moes word nie, wat bestem was om puinhope te bly.
| |
| | Job 15:29 | Hy bly nie ryk en sy vermoë hou nie stand nie, en hulle besitting buig nie soos koringare na die aarde toe nie.
| |
| | Job 15:30 | Hy ontvlug nie die duisternis nie, die vlam laat sy spruit verdroog, en hy vergaan deur die geblaas van die mond van God.
| |
| | Job 15:31 | Laat hom nie vertrou op nietigheid nie--hy kom bedroë uit! --want nietigheid sal sy vergelding wees.
| |
| | Job 15:32 | Voor sy tyd word dit vervul, en sy palmtak bly nie meer groen nie.
| |
| | Job 15:33 | Hy skud sy onryp druiwe af soos 'n wingerdstok en gooi sy bloeisel af soos 'n olyfboom.
| |
| | Job 15:34 | Want die bende van die goddelose is onvrugbaar, en vuur verteer die tente van omkopery.
| |
| | Job 15:35 | Hulle is swanger van moeite en baar onheil; en hulle skoot bring bedrog voort.
| |
